سورہ النبإ

عَمَّ يَتَسَآءَلُونَ ﴿١﴾

1(یہ) لوگ کس چیز کی نسبت پوچھتے ہیں؟

عَنِ ٱلنَّبَإِ ٱلْعَظِيمِ ﴿٢﴾

2(کیا) بڑی خبر کی نسبت؟

ٱلَّذِى هُمْ فِيهِ مُخْتَلِفُونَ ﴿٣﴾

3جس میں یہ اختلاف کر رہے ہیں

كَلَّا سَيَعْلَمُونَ ﴿٤﴾

4دیکھو یہ عنقریب جان لیں گے

ثُمَّ كَلَّا سَيَعْلَمُونَ ﴿٥﴾

5پھر دیکھو یہ عنقریب جان لیں گے

أَلَمْ نَجْعَلِ ٱلْأَرْضَ مِهَٰدًۭا ﴿٦﴾

6کیا ہم نے زمین کو بچھونا نہیں بنایا

وَٱلْجِبَالَ أَوْتَادًۭا ﴿٧﴾

7اور پہاڑوں کو (ا س کی) میخیں (نہیں ٹھہرایا؟)

وَخَلَقْنَٰكُمْ أَزْوَٰجًۭا ﴿٨﴾

8(بے شک بنایا) اور تم کو جوڑا جوڑابھی پیدا کیا

وَجَعَلْنَا نَوْمَكُمْ سُبَاتًۭا ﴿٩﴾

9اور نیند کو تمہارے لیے (موجب) آرام بنایا

وَجَعَلْنَا ٱلَّيْلَ لِبَاسًۭا ﴿١٠﴾

10اور رات کو پردہ مقرر کیا

وَجَعَلْنَا ٱلنَّهَارَ مَعَاشًۭا ﴿١١﴾

11اور دن کو معاش (کا وقت) قرار دیا

وَبَنَيْنَا فَوْقَكُمْ سَبْعًۭا شِدَادًۭا ﴿١٢﴾

12اور تمہارے اوپر سات مضبوط (آسمان) بنائے

وَجَعَلْنَا سِرَاجًۭا وَهَّاجًۭا ﴿١٣﴾

13اور (آفتاب کا) روشن چراغ بنایا

وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿١٤﴾

14اور نچڑتے بادلوں سے موسلا دھار مینہ برسایا

لِّنُخْرِجَ بِهِۦ حَبًّۭا وَنَبَاتًۭا ﴿١٥﴾

15تاکہ اس سے اناج اور سبزہ پیدا کریں

وَجَنَّٰتٍ أَلْفَافًا ﴿١٦﴾

16اور گھنے گھنے باغ

إِنَّ يَوْمَ ٱلْفَصْلِ كَانَ مِيقَٰتًۭا ﴿١٧﴾

17بےشک فیصلہ کا دن مقرر ہے

يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿١٨﴾

18جس دن صور پھونکا جائے گا تو تم لوگ غٹ کے غٹ آ موجود ہو گے

وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿١٩﴾

19اور آسمان کھولا جائے گا تو (اس میں) دروازے ہو جائیں گے

وَسُيِّرَتِ ٱلْجِبَالُ فَكَانَتْ سَرَابًا ﴿٢٠﴾

20اور پہاڑ چلائے جائیں گے تو وہ ریت ہو کر رہ جائیں گے

إِنَّ جَهَنَّمَ كَانَتْ مِرْصَادًۭا ﴿٢١﴾

21بےشک دوزخ گھات میں ہے

لِّلطَّٰغِينَ مَـَٔابًۭا ﴿٢٢﴾

22(یعنی) سرکشوں کا وہی ٹھکانہ ہے

لَّٰبِثِينَ فِيهَآ أَحْقَابًۭا ﴿٢٣﴾

23اس میں وہ مدتوں پڑے رہیں گے

لَّا يَذُوقُونَ فِيهَا بَرْدًۭا وَلَا شَرَابًا ﴿٢٤﴾

24وہاں نہ ٹھنڈک کا مزہ چکھیں گے۔ نہ (کچھ) پینا (نصیب ہو گا)

إِلَّا حَمِيمًۭا وَغَسَّاقًۭا ﴿٢٥﴾

25مگر گرم پانی اور بہتی پیپ

جَزَآءًۭ وِفَاقًا ﴿٢٦﴾

26(یہ) بدلہ ہے پورا پورا

إِنَّهُمْ كَانُوا۟ لَا يَرْجُونَ حِسَابًۭا ﴿٢٧﴾

27یہ لوگ حساب (آخرت) کی امید ہی نہیں رکھتے تھے

وَكَذَّبُوا۟ بِـَٔايَٰتِنَا كِذَّابًۭا ﴿٢٨﴾

28اور ہماری آیتوں کو جھوٹ سمجھ کر جھٹلاتے رہتے تھے

وَكُلَّ شَىْءٍ أَحْصَيْنَٰهُ كِتَٰبًۭا ﴿٢٩﴾

29اور ہم نے ہر چیز کو لکھ کر ضبط کر رکھا ہے

فَذُوقُوا۟ فَلَن نَّزِيدَكُمْ إِلَّا عَذَابًا ﴿٣٠﴾

30سو (اب) مزہ چکھو۔ ہم تم پر عذاب ہی بڑھاتے جائیں گے

إِنَّ لِلْمُتَّقِينَ مَفَازًا ﴿٣١﴾

31بے شک پرہیز گاروں کے لیے کامیابی ہے

حَدَآئِقَ وَأَعْنَٰبًۭا ﴿٣٢﴾

32(یعنی) باغ اور انگور

وَكَوَاعِبَ أَتْرَابًۭا ﴿٣٣﴾

33اور ہم عمر نوجوان عورتیں

وَكَأْسًۭا دِهَاقًۭا ﴿٣٤﴾

34اور شراب کے چھلکتے ہوئے گلاس

لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿٣٥﴾

35وہاں نہ بیہودہ بات سنیں گے نہ جھوٹ (خرافات)

جَزَآءًۭ مِّن رَّبِّكَ عَطَآءً حِسَابًۭا ﴿٣٦﴾

36یہ تمہارے پروردگار کی طرف سے صلہ ہے انعام کثیر

رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿٣٧﴾

37وہ جو آسمانوں اور زمین اور جو ان دونوں میں ہے سب کا مالک ہے بڑا مہربان کسی کو اس سے بات کرنے کا یارا نہیں ہوگا

يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿٣٨﴾

38جس دن روح (الامین) اور فرشتے صف باندھ کر کھڑے ہوں گے تو کوئی بول نہ سکے گا مگر جس کو (خدائے رحمٰن) اجازت بخشے اور اس نے بات بھی درست کہی ہو

ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿٣٩﴾

39یہ دن برحق ہے۔ پس جو شخص چاہے اپنے پروردگار کے پاس ٹھکانہ بنا ئے

إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿٤٠﴾

40ہم نے تم کو عذاب سے جو عنقریب آنے والا ہے آگاہ کر دیا ہے جس دن ہر شخص ان (اعمال) کو جو اس نے آگے بھیجے ہوں گے دیکھ لے گا اور کافر کہے گا کہ اے کاش میں مٹی ہوتا